Віцябляне выступаюць супраць канцэртаў Віктара Каліны

Віцебскія грамадскія актывісты Таццяна Севярынец, Алена Шабуня і Ірына Захарава аднеслі заяву ў Віцебскую абласную пракуратуру з просьбай забараніць канцэрт Віктара Каліны ў абласной філармоніі.


Віцябляне выступаюць супраць канцэртаў Віктара Каліны


У заяве гаворыцца, што Каліна (сапраўднае прозвішча – Мілько) вядомы сваімі адыёзнымі выступамі, каментарамі ў сацыяльных сетках у бок Беларусі, яе жыхароў. Спявак прапагандуе «рускі свет» і абразліва выказваецца пра магчымых гледачоў сваіх «канцэртаў», якія ў сваю чаргу ўтрымліваюць ненарматыўную лексіку і распальваюць нацыянальную варожасць.

«Такія канцэрты небяспечныя для псіхікі»

Актывісты выказваюць занепакоенасць, што такія гастралёры могуць прычыніць шкоду псіхічнаму здароўю наведвальнікам яго канцэртаў.

Каардынатар БХД па Віцебскай вобласці Таццяна Севярынец распавяла:

«У пракуратуры мы размаўлялі з дзяжурным пракурорам Ігарам Марозавым і перадалі яму разам з заявай скрыншоты выказванняў Каліны ў сацыяльных сетках, дзе ён распавядае пра свае візіты на Данбас як пра «дабрачыннасць«, зневажае прадстаўнікоў іншых нацый – чачэнцаў, цыганоў, беларусаў. Таксама звярнулі ўвагу пракурора на тое, што спявак дазваляе сабе нецэнзурныя выказванні, і гэта таксама аніяк не стасуецца з мэтай кожнага артыста несці культуру ў масы. Спадзяёмся, што канцэрты будуць забароненыя».

Ці будуць віцябляне галасаваць сваім рублём?

«Мы былі на прыёме ў дырэктара Віцебскай абласной філармоніі Алены Падаляк. Філармонія заключыла дамову з выступоўцам. Каб адмовіць – трэба важкія прычыны. Але дырэктар запэўніла, што яна будзе прысутнічаць на канцэрце і калі будуць якія выпады з боку Каліны, то ў той жа момант будзе спынены канцэрт. Напярэдадні філармонія запатрабавала ў яго дакладную праграму і ў ёй не было нічога кепскага». – распавяла аб сустрэчы з дырэктарам Алена Шабуня.

Актывістка адзначае:

«Ёсць спадзяванне, што віцябляне проста не пойдуць на яго канцэрт. Ніхто з маіх знаёмых ніколі не хадзіў на такога кшталту «культурныя» мерапрыемствы і не пойдзе. На сённяшні дзень квіткі набылі на канцэрт усяго некалькі чалавек».

Віктар Каліна абразіў у сацыяльных сетках асабіста Таццяну Севярынец пасля таго, як яна напісала, каб ён не ехаў у Віцебск, бо яго тут ніхто не чакае. У пракуратуры ёй параілі падаць заяву на абразніка ў міліцыю і прыцягнуць яго да адказнасці. Пакуль што яна не вырашыла будзе падаваць ці не.

Крысціна Авакумава, belsat.eu

Добавить комментарий!







Погода в Витебске


Курсы валют


Мы в социальных сетях



Радости жизни>> Все статьи

У Віцебску ў гонар Раства Хрыстова адбыўся конкурс на лепшае выкананне песні

25 снежня ў Віцебску вернікі царквы хрысціян веры Евангельскай “Новае жыццё” па шматгадовай традыцыі зладзілі Дзень Нараджэння Ісуса Хрыста ў рэстаране, куды запрасілі сваіх знаёмых, якія наведваюць царкоўныя службы або вельмі рэдка, або ніколі.
Последние новости>> Все статьи

Былыя кандыдаты ў дэпутаты Ірына Захарава і Алёна Шабуня не прызнаюць выбары на сваіх акругах сапраўднымі

Прамоўцы Беларускай хрысціянскай дэмакратыі, былыя кандыдаты ў дэпутаты ў Віцебскі гарадскі Савет дэпутатаў Ірына Захарава і Алёна Шабуня 20 лютага падалі скаргі ў Цэнтральную камісію Рэспублікі Беларусь па выбарах і правядзенні рэспубліканскіх рэферэндумаў, у Віцебскую абласную і гарадскую

На сустрэчы з выбарцамі Шымчанка не прывёў ні воднага прыклада сваіх дасягненняў як дэпутата

14 лютага ў СШ 46 адбылася сустрэча з праўладным кандыдатам у дэпутаты ў Віцебскі гарадскі Савет дэпутатаў па Школьнай выбарчай акрузе №22 Алегам Шымчанкам. Зараз ён з’яўляецца дзеючым дэпутатам 27 склікання па Білеўскай акрузе №23, калі глядзець па тэрыторыі, то гэта тая ж самая вуліца, толькі

Дыскусія Алены Шабуні і Таццяны Сівачэнка (відэа)

"Людзям пара ўжо прачнуцца, час усвядоміць сваю значнасць", - лічыць кандыдат у дэпутаты Магілёўскага аблсавета Таццяна Сівачэнка. Намеснік дырэктара па навуковай працы ва "КБ "Прамысловыя тэхналогіі і комплексы", Таццяна Сівачэнка балатуецца ад Аб’яднанай грамадзянскай партыі кандыдатам у