Беларусы ўсталі на абарону маці, абвінавачанай у забойстве падчас родаў

Маці, якая страціла немаўля, – абвінавачаная. Прадстаўнікі дзяржаўных органаў апекі – пацярпелыя. У закрытым рэжыме праз хадайніцтва апошніх, а таксама пракурора ў судзе Чыгуначнага раёну Віцебску распачаўся разгляд справы, звязанай са смерцю немаўляці.




31-гадовай Вользе, маці двухгадовай дзяўчынкі, пагражае абмежаванне волі тэрмінам да трох гадоў паводле крымінальнага артыкулу аб прычыненні смерці праз неасцярожнасць.

Паводле абвінавачання, немаўля загінула ў выніку хатніх родаў

«Ніякіх хатніх родаў, як ідзе інфармацыя, не было. Так, яна першага дзіцёнка нараджала ўдома. Дзеля гэтага яны прайшлі адмысловую падрыхтоўку. Яна не выключала хатнія роды, але хатнія роды выглядаюць абсалютна не так. Гэта павінен быў быць муж удома, я павінна была некуды адвесці дзіцёнка, павінна было быць падрыхтавана памяшканне. А тут былі проста тэрміновыя роды», – зазначыла маці абвінавачанай.

Беларусы масава бароняць жанчыну

Дзеля падтрымання і з патрабаваннем апраўдаць і вызваліць Вольгу, якую з траўня ўтрымліваюць у СІЗА, на імя генпракурора, міністра аховы здароўя і кіраўніка Беларусі актывісты стварылі адмысловую электронную петыцыю. За шэсць дзён пад ёй свае подпісы паставілі больш за пяць тысячаў чалавек. Сярод іх – Каця Барушка.

«Камусьці хочацца нараджаць у вадзе, камусьці – з партнёрам, камусьці добра нараджаць у радзільні, а камусьці – удома. У цывілізаваных краінах, дарэчы, павялічваецца колькасць хатніх родаў. Там, дзе дбаюць пра грамадзянаў, дбаюць і пра розныя ўмовы. А нашая дзяржава стварае матрыцу, дзе правільныя жанчыны ў правільных інкубатарах гадуюць правільных дзяцей і правільна іх нараджаюць», – даводзіць Каця.

Сістэма патроху разварочваецца тварам да пацыента

Так мяркуе лекар-рэаніматолаг Зміцер Салошкін. Напрыклад, больш становіцца тых жа партнёрскіх родаў. Але да сапраўднай рэвалюцыі ў айчынным акушэрстве далёка.

Рэзанансавая судовая справа вынесла ў грамадства пытанне, якое раней публічна амаль не абмяркоўвалася – неабходнасць лібералізацыі сістэмы акушэрскай дапамогі ды легалізацыі і дапамогі пры хатніх родах. Цяпер не забароненых, але і заканадаўча не рэгуляваных у нашай краіне.

Паводле афіцыйнай айчыннай статыстыкі, пры хатніх родах рызыка страціць дзіця ў 13 разоў большая, чым пры родах у шпіталі. Аднак цяпер афіцыйна прызнаныя і дазволеныя хатнія роды ў Вялікай Брытаніі, Нямеччыне, Аўстраліі, Нарвегіі, Ізраілі ды шмат якіх іншых краінах.

«Белсат»

Добавить комментарий!







Погода в Витебске


Курсы валют


Мы в социальных сетях



Радости жизни>> Все статьи

Замалёўкі бабулі-6

Запрасілі мяне дзеці ў паход. Грышаня пра яго марыў. Вызначылі месца, лагістыку: пляж Брыгітполля, праз Сураж, начоўка, а вяртанне – сапраўдны паход - пешкі да Суража, гэта кіламетраў шэсць з поўнай выкладкай.
Последние новости>> Все статьи

У Полацку забаранілі пікет супраць пераследу лідэраў прафсаюзу РЭП Ігара Комліка і Генадзя Фядыніча

Полацкі раённы выканаўчы камітэт адмовіў прадстаўнікам Свабоднага прафсаюзу Беларускага (СПБ) ў правядзенні пікету 16 верасня. Між тым актывісты не прасілі дазволу на акцыю – яны проста паведамілі мясцовым уладам пра свой намер правесці пікет. Права ладзіць прафсаюзныя мерапрыемствы гарантавана

Віцябляне ў шоку. Хацелі паліклініку, пабудуюць Палац шлюбаў

У інвестыцыйнай праграме Віцебску на 2017 год першым пунктам запланаванае будаўніцтва Палацу шлюбаў. Але ці гэта аб’ект першай неабходнасці для жыхароў гораду? «Людзі цяпер рэгіструюць шлюб і з’язджаюць у вясельнае падарожжа без гасцей, вяселля. З’яўляецца гэта першай неабходнасцю думаю што не».

Віцебск пераўтвараецца ў велізарны бытавы сметнік

Пасля святаў і выходных ля пад’ездаў шматпавярховікаў Віцебска збіраюцца міні-палігоны цвёрдых адходаў, смецце са скрыняў імкліва запаўняе ўсю вольную прастору. Болей як трыста машын тых адходаў штодня вывозіцца спецкамбінатам, але 350 тысяч насельніцтва паўночнай культурнай сталіцы Беларусі