Вяскоўцам удалося змусіць чыноўнікаў пачуць іх голас

Да канца году можа быць вырашаная праблема водаправоднага забесьпячэньня вёскі Суйкава. У гэтым 9 жніўня грамадзкіх актывістаў запэўніў старшыня адміністрацыі Віцебскага раёну Генадзь Сабыніч. Пра падрабязнасьці сустрэчы ў Віцебскім райвыканкаме распавяла нашаму карэспандэнту актывістка Алена Янушкоўская.

Вяскоўцам удалося змусіць чыноўнікаў пачуць іх голас


На сустрэчы Генадзь Сабыніч паведаміў, што на правядзеньне неабходных работ ужо выдзелена трыццаць тысячаў рублёў. Найперш на водазабесьпячэньне вуліцы Партызанскай. Паводле словаў раённага кіраўніка, зараз ідзе падрыхтоўка неабходнай дакумэнтацыі, і работы мусяць распачацца цягам тыдня. Акрамя таго, райвыканкам напісаў у аблвыканкам хадайніцтва пра выдзяленьне дадатковых сродкаў для завяршэньня поўнага водазабесьпячэньня вёскі да канца бягучага году.

Са свайго боку вяскоўцы, зацікаўленыя ў найхутчэйшым вырашэньні праблемы, гатовыя падтрымаць намаганьні раённай улады і мяркуюць ад свайго імя таксама напісаць зварот у аблвыканкам пра выдзяленьне грашовых сродкаў, якіх не хапае. І хаця ў тое, што такія сродкі будуць выдзеленыя, верыцца слаба, але вяскоўцы не губляюць надзеі.

Кіраўнік раённай вэртыкалі падзякаваў вяскоўцам за актыўную грамадзянскую пазыцыю, маючы на ўвазе іхны нядаўні зварот. У звароце грамадзяне прасілі паінфармаваць іх, на якой стадыі знаходзіцца распрацоўка праекту водазабесьпячэньня ў Суйкаве, якія работы будуць праводзіцца, колькі сродкаў выдзелена, і назваць канкрэтныя тэрміны рэалізацыі гэтага праекту.

Пасьля абмеркаваньня асноўнага пытаньня Алена Янушкоўская закранула і некалькі іншых надзённых праблемаў: адсутнасьць сьметніц, занядбанасьць каналізацыйных калодзежаў, неўладкаванасьць часткі вясковых дарог. Узьняла актывістка і праблему беспрацоўя на вёсцы, якая абвастрылася праз банкруцтва КУСГП «Пестуніца». Старшыня райвыканкаму параіў вяскоўцам шукаць працу ў абласным цэнтры, на што спадарыня Алена зазначыла, што і ў горадзе адчуваецца брак працоўных месцаў.

Алена Янушкоўская мяркуе, што ў цэлым размова была прадукцыўнайю Як той казаў, бязь лішніх словаў.

Ужо пры канцы гутаркі з нашым карэспандэнтам грамадзкая актывістка паведаміла, што днямі аналягічная праблема ўзьнікла і ў жыхароў вёскі Тапорына, дзе ад воданапорнай вежы адлучылі калёнкі, і вяскоўцы цяпер вымушаныя самастойна шукаць іншыя магчымасьці ўласнага водазабесьпячэньня.

vitebskspring.org

Добавить комментарий!







Погода в Витебске


Курсы валют


Мы в социальных сетях



Радости жизни>> Все статьи

Замалёўкі бабулі-6

Запрасілі мяне дзеці ў паход. Грышаня пра яго марыў. Вызначылі месца, лагістыку: пляж Брыгітполля, праз Сураж, начоўка, а вяртанне – сапраўдны паход - пешкі да Суража, гэта кіламетраў шэсць з поўнай выкладкай.
Последние новости>> Все статьи

У Полацку забаранілі пікет супраць пераследу лідэраў прафсаюзу РЭП Ігара Комліка і Генадзя Фядыніча

Полацкі раённы выканаўчы камітэт адмовіў прадстаўнікам Свабоднага прафсаюзу Беларускага (СПБ) ў правядзенні пікету 16 верасня. Між тым актывісты не прасілі дазволу на акцыю – яны проста паведамілі мясцовым уладам пра свой намер правесці пікет. Права ладзіць прафсаюзныя мерапрыемствы гарантавана

Віцябляне ў шоку. Хацелі паліклініку, пабудуюць Палац шлюбаў

У інвестыцыйнай праграме Віцебску на 2017 год першым пунктам запланаванае будаўніцтва Палацу шлюбаў. Але ці гэта аб’ект першай неабходнасці для жыхароў гораду? «Людзі цяпер рэгіструюць шлюб і з’язджаюць у вясельнае падарожжа без гасцей, вяселля. З’яўляецца гэта першай неабходнасцю думаю што не».

Віцебск пераўтвараецца ў велізарны бытавы сметнік

Пасля святаў і выходных ля пад’ездаў шматпавярховікаў Віцебска збіраюцца міні-палігоны цвёрдых адходаў, смецце са скрыняў імкліва запаўняе ўсю вольную прастору. Болей як трыста машын тых адходаў штодня вывозіцца спецкамбінатам, але 350 тысяч насельніцтва паўночнай культурнай сталіцы Беларусі