«Цяпер нам лягчэй, бо падае дождж». Як вёска памірае ад смагі

Вёска Суйкава, што на Віцебшчыне, – гэта вам не глухмень! 113 падворкаў, пяць пяцікіламетровых вуліц, ад абласнога цэнтру ўсяго кіламетр! Здавалася б, жыві ды цешся! Але ж якое гэта жыццё, калі няма… вады? Усе студні, апроч адной, у Суйкаве сухія – дый і з тае, адзінае, піць нельга.



Цэнтральны водаправод праведзены толькі да 35-ці падворкаў.

«Нам даводзіцца ездзіць у горад за бутыляванай вадой альбо, выпадкам, у кватэрах сваіх знаёмцаў. Вось гэтак і жывем. Сёлета, дзякуй Богу, нам крышачку лягчэй, бо ідуць дажджы. А наагул – дык праблема. Апошнія некалькі гадоў запар была засуха, дык мы ўвогуле паміралі!», – сведчыць жыхарка вёскі Алена Янушкоўская.

І гэта – у бадай найбольш азёрным краі нашае Сінявокае

Мясцовыя ж чыноўнікі, да якіх жыхары звяртаюцца па дапамогу вось ужо дзесяць гадоў, адказваюць адпіскамі: маўляў, усё будзе добра, водаправод пабудуем, пацярпіце!

«Адказы мы атрымліваем: маўляў, працы па водазабеспячэнні будуць працягвацца. Але на сённяшні дзень – вось ужо сярэдзіна лета – мы нічога не бачым», – скардзіцца Надзея Карапузава з вёскі Суйкава.

Калісьці водаправод у Суйкаве быў

З тамтэйшай фермы цягнулі тэхнічную ваду, якой можна было паіць свойскую жывёлу. Між тым ферма даўно закрытая, водаправод згніў. Быдла п’е дажджавую ваду або з маленькай сажалкі. Апроч жа патрэбаў людзей, жывёлы, не забываймася і пра гароды.

Праблема з вадой ёсць і ў часткі вяскоўцаў, да якіх трубы ўсё ж дацягнулі. Уласна падключыцца да цэнтральнай сістэмы водазабеспячэння таксама каштуе грошай. А лішняй тысячы рублёў шмат у каго з жыхароў Суйкава, як і працы, папросту няма. У адрозненне, скажам, ад старшыні мясцовага сельсавету, якая да гарадской вады падключылася першая ў вёсцы.

«Белсат»

Добавить комментарий!







Погода в Витебске


Курсы валют


Мы в социальных сетях



Радости жизни>> Все статьи

Замалёўкі бабулі-6

Запрасілі мяне дзеці ў паход. Грышаня пра яго марыў. Вызначылі месца, лагістыку: пляж Брыгітполля, праз Сураж, начоўка, а вяртанне – сапраўдны паход - пешкі да Суража, гэта кіламетраў шэсць з поўнай выкладкай.
Последние новости>> Все статьи

У Полацку забаранілі пікет супраць пераследу лідэраў прафсаюзу РЭП Ігара Комліка і Генадзя Фядыніча

Полацкі раённы выканаўчы камітэт адмовіў прадстаўнікам Свабоднага прафсаюзу Беларускага (СПБ) ў правядзенні пікету 16 верасня. Між тым актывісты не прасілі дазволу на акцыю – яны проста паведамілі мясцовым уладам пра свой намер правесці пікет. Права ладзіць прафсаюзныя мерапрыемствы гарантавана

Віцябляне ў шоку. Хацелі паліклініку, пабудуюць Палац шлюбаў

У інвестыцыйнай праграме Віцебску на 2017 год першым пунктам запланаванае будаўніцтва Палацу шлюбаў. Але ці гэта аб’ект першай неабходнасці для жыхароў гораду? «Людзі цяпер рэгіструюць шлюб і з’язджаюць у вясельнае падарожжа без гасцей, вяселля. З’яўляецца гэта першай неабходнасцю думаю што не».

Віцебск пераўтвараецца ў велізарны бытавы сметнік

Пасля святаў і выходных ля пад’ездаў шматпавярховікаў Віцебска збіраюцца міні-палігоны цвёрдых адходаў, смецце са скрыняў імкліва запаўняе ўсю вольную прастору. Болей як трыста машын тых адходаў штодня вывозіцца спецкамбінатам, але 350 тысяч насельніцтва паўночнай культурнай сталіцы Беларусі