Біскуп Віцебскі: Шчыры жаль, але камунізм у нас яшчэ ня скончыўся…

Горкія словы пра камунізм, які ў нас, на жаль, “яшчэ ня скончыўся”, біскуп Віцебскі Алег Буткевіч сказаў напрыканцы нядзельнай імшы ў катэдральным касьцёле, на якой вернікі парафіі разьвіталіся са сваім пробашчам Паўлам Кнурэкам. Ксёндз-паляк Павал Кнурэк пакідае Беларусь, бо ўлады забаранілі яму служыць у нашай краіне.

Біскуп Віцебскі: Шчыры жаль, але камунізм у нас яшчэ ня скончыўся…


У сваёй прамове біскуп Алег Буткевіч выказаў шмат цёплых словаў на адрас ксяндза Паўла Кунурэка, які крыху больш за год адслужыў у Віцебску ў якасьці пробашча парафіі Езуса Міласэрнага. Дзякаваў за дбайнае служэньне і зычыў Божага блаславенства ў будучай працы.

Спрабуючы патлумачыць сытуацыю, якая склалася зь неатрыманьнем дазволу на далейшае служэньне ксяндза Кнурэка ў Беларусі, біскуп сказаў:

“Ня ведаю, што адбываецца. Напэўна можна сказаць адно, гледзячы на гэтую сытуацыю. Шчыры жаль, але камунізм у нас яшчэ ня скончыўся, бо дагэтуль сьвятарам не даюць магчымасьці працаваць на карысьць Бога, на карысьць краіны. Штосьці нядобрае адбываецца…”

Пасьля гэтых словаў у касьцёле прагучалі аплядысмэнты.

Кнурэк: Чорт ня хоча, каб парафія разьвівалася
Гісторыя парафіі Езуса Міласэрнага вядзе адлік ад 2000 году. За гэты час у ёй мяняецца ўжо 13-ты пробашч.

“І вось ужо трынаццаты пайшоў у расход. Добра, што не 37-ы… Відаць, чорт вельмі ня хоча, каб парафія разьвіваліся…” – з уласьцівай яму іроніяй выказаўся ў казаньні падчас імшы сам ксёндз Кнурэк.

Тое, што беларускія ўлады не працягнулі яму дазвол на служэньне ў Беларусі, сьвятар назваў несправядлівасьцю і крыўдай. Але, зьвяртаючыся да вернікаў, сказаў, што сытуацыю гэтую трэба перажыць па-хрысьціянску – так, каб яна не спрычынілася да новых несправядлівасьцяў. Перажыць з Езусам у сэрцы.

Біскуп Віцебскі: Шчыры жаль, але камунізм у нас яшчэ ня скончыўся…


“Я зьяжджаю, але касьцёл застаецца, Езус застаецца, туліцеся да яго!” – сказаў на разьвітаньне ксёндз Павал Кнурэк. Папрасіў таксама прабачэньня ва ўсіх, каго мог мімаволі пакрыўдзіць.

Вернікі з Лынтупаў: Дзякуючы вам, мы пачалі размаўляць па-беларуску
“Вы дапамаглі нам выхаваць нашых дзяцей і прывесьці іх да Бога. І дзякуючы вам мы пачалі размаўляць па-беларуску. Вы застаняцеся ў нашых сэрцах, мы вас любім”, – зьвярталіся да былога свайго былога пробашча вернікі з Лынтупаў, якія адмыслова прыехалі ў Віцебск, каб удзельнічаць у разьвітальнай імшы.

У сваю чаргу віцебскія парафіяне казалі, што застаюцца сіротамі.

“Парафія – гэта сям’я, а пробашч парафіі – гэта айцец, бацька. Калі сям’я губляе бацьку, яна становіцца праблемнай, а дзеці – сіротамі. Ну вось, будзем чакаць, пакуль хто прыедзе нас усынавіць. Але ведайце, што будзем заўсёды памятаць пра вас у сваіх малітвах. І дзьверы нашай парафіі будуць заўсёды адчыненыя для новых сустрэч з вамі”, – казалі віцебскія вернікі.

Імша ў катэдральным касьцёле Віцебску скончылася беларускім гімнам “Магутны Божа”.

Біскуп Віцебскі: Шчыры жаль, але камунізм у нас яшчэ ня скончыўся…


Ксёндз Павал Кнурэк атрымаў сьвятарскае пасьвячэньне 23 гады таму, 18 зь якіх праслужыў у Беларусі. Пробашчам парафіі Езуса Міласэрнага ў Віцебску стаў у чэрвені 2017 году, да гэтага ўзначальваў парафію Св. Апостала Андрэя ў Лынтупах (Пастаўскі раён). У лістападзе 2018 году ўлады не працягнулі яму дазвол на служэньне ў Беларусі. Звароты вернікаў да Ўпаўнаважанага па справах рэлігій і нацыянальнасьцяў і ў Адміністрацыю прэзыдэнта з просьбамі перагледзець рашэньне вынікаў ня далі.

На якіх падставах і зь якой прычыны ўлады Беларусі выгналі з краіны паважанага і любімага вернікамі сьвятара, чытайце ў нашым вялікім інтэрвію з ксяндзом Паўлам Кнурэкам, якое зьявіцца на сайце “Віцебскай вясны” крыху пазьней.

Зьміцер Міраш, vitebskspring.org

Добавить комментарий!







Погода в Витебске


Курсы валют


Мы в социальных сетях



Радости жизни>> Все статьи

З чаго пачынаецца наша Радзіма?

З чаго пачынаецца наша Радзіма? З усьмешкі матульчынай, ціхай і сьветлай. Са сьцежкі, якая да лесу вадзіла і стала зьдзічэлай і непрыкметнай.
Последние новости>> Все статьи

Віцебская пракуратура не адказала Алене Янушкоўскай праз “тэхнічны збой” (відэа)

30 сакавіка віцебская актывістка БХД Алена Янушкоўская накіравала электронныя звароты ў Дзяржкантроль Віцебскай вобласці і ў пракуратуру Віцебскага раёна з нагоды парушэнняў пры будаўніцтве водаправоду ў вёсцы Суйкава.

Леонид Зайдес, принимая из рук защитника Куропат информационную листовку: я вас все равно разгоню!

15 мая Витебские активисты БХД снова на защите Куропат! На входе в мемориал работники Боровлянского лесхоза опозорившегося на весь мир при сносе крестов,мастерили убогие деревянные щиты в засохшей грязи у подножия скамеек,пояснив,что создают удобства для желающих посидеть.Разноцветные петунии

«Погоня» и бело-красно-белый флаг vs официальная символика

Белорусские идеологи бьются над проблемой: как приучить молодёжь уважать официальную символику и взять верх над идеологическими противниками — теми, кто использует герб «Погоня» и бело-красно-белый флаг.