Улады Віцебску хочуць схаваць, куды ідуць грошы

Недабудаваны дзіцячы садок, недахоп школы і паліклінікі ў мікрараёне Білева. Гэта толькі частка праблемаў, якія ўжо некалькі гадоў застаюцца неразвязаныя для жыхароў Віцебску. Каб мець магчымасць уплываць на будаўніцтва аб’ектаў у сваім горадзе, а таксама ведаць, якім чынам размяркоўваецца мясцовы бюджэт, актывісты Беларускай Хрысціянскай Дэмакратыі зарганізавалі збор подпісаў і накіравалі зварот з адмысловаю просьбай у Аблвыканкам.

Улады Віцебску хочуць схаваць, куды ідуць грошы


У адказ – нечаканая рэакцыя ўладаў
«Людзям тэлефанавалі. Да людзей прыходзілі. Уводзілі іх у зман. Наваднымі пытаннямі і такім запужваннем прымушалі адмовіцца ад подпісаў«, – распавядае актывістка Алена Янушкоўская.



Копіі звароту з Аблвыканкаму трапілі ў адміністрацыю гораду, працаўнікі якой пачалі спраўджваць, ці сапраўды рэальныя асобы ставілі свае подпісы. А менавіта – пачалі тэлефанаваць падпісантам. У некаторых выпадках да грамадзянаў прыходзілі на працу і браліраспіскі ў стылі: «Прашу зварот не разглядаць. Яго сутнасць мне невядомая». Паводле праваабаронцы Паўла Левінава, ужо адзін факт тэлефоннага званка парушае заканадаўства аб калектыўных зваротах ды можа разглядацца як ціск.

«Наш закон не дазваляе службовым асобам правяраць падпісвалі гэтыя грамадзяне звароты, ці не. Службовыя асобы абавязаныя ў 15-дзённы тэрмін, а калі неабходна правядзенне дадатковай праверкі – у 30-дзённы тэрмін прыняць законнае і абгрунтаванае рашэнне па звароце», – тлумачыць праваабаронца.

Старшыня аблвыканкаму: «Я не ведаю»
Каб разматаць клубок ды высветліць асобу, якая дала такое даручэнне, актывісты звярнуліся ў Віцебскі аблвыканкам.

«Калі мы спыталі: на якой падставе? Дык спадар Пінін, намеснік Шарснёва – старшыні Аблвыканкаму, проста паціснуў на гэта плячыма і сказаў: «я не ведаю». Яны такімі святымі прыкідваюцца, яны нічога не ведаюць, калі самі парушаюць заканадаўства», – абураецца кіраўніца БХД па Віцебскай вобласці Таццяна Севярынец.

Што праўда, пасля сустрэчы прыйшоў адказ
«Падчас разгляду гэтага калектыўнага звароту былі праведзеныя размовы (выбарачна) з заяўнікамі. Пры гэтым уцісканне правоў, свабодаў і (або) законных інтарэсаў заяўнікаў, іхных прадстаўнікоў, членаў сем’яў заяўнікаў-грамадзянаў у сувязі з іхным зваротам не дапушчанае. Праверкі сапраўднасці подпісаў не праводзілася», – зазначыў старшыня аблвыканкаму Мікалай Шарснёў.

Калектыўны зварот Віцебскі аблвыканкам усё ж разгледзеў. Ды адказаў, што правы грамадзянаў, звязаныя з іх удзелам у фармаванні бюджэту і развіцці гораду, і гэтак забяспечваюцца органамі мясцовага самакіравання ў поўным памеры.

Юлія Лабанава, belsat

Добавить комментарий!







Погода в Витебске


Курсы валют


Мы в социальных сетях



Радости жизни>> Все статьи

Госцем чарговага "Веснавога Спеўнага Сходу" у Віцебску быў Алег Хаменка(відэа)

" Жавароначкі, прыляціце, вясну красную прынясіце!....Уууууу!..."--гучна, каб было чуваць за мостам, як просіць кіраўнічка і настаўніца імправізаванага хору віцяблян Марыся Булатоўская, спявалі ўдзельнікі "Веснавога Спеўнага Сходу".
Последние новости>> Все статьи

“Зноў укрыжавалі Хрыста…” Актывісты Віцебшчыны пра зьнішчэньне крыжоў у Курапатах

На мінулым тыдні, 4 красавіка, улады зьнішчылі 70 крыжоў, што былі ўсталяваныя па пэрымэтры народнага мэмарыялу ў Курапатах. У грамадзтве гэта выклікала шок, неразуменьне і выбух абурэньня. Як расцэньваць дзеяньні ўладаў? Свае ацэнкі і меркаваньні сайту vitebskspring.org выказалі прадстаўнікі

Украіна альбо Зяленскі?

Пытанне стаіць рубам. Быць альбо не быць Украіне. Я пэўны час вагаўся: ці трэба ставіць так пытанне? Ці трэба ўвогуле ўставяць свае пяць капеек у палітычныя справы нашых суседзяў? Але пасля першага тура ўкраінскіх выбараў, калі ўбачыў, што Украіна пачынае ісці беларускім шляхам, вырашыў – трэба.

Еўразвяз выдаткаваў паўмільёна даляраў на дапамогу беларускім сем’ям, якія выхоўваюць дзяцей з інваліднасцю (відэа)

На працягу трох год, з 2016 па 2018, Еўразвяз, у прыватнасці, Брытанская дабрачынная арганізацыя HealthProm, дапамагала ў распрацоўцы пілотнага праекта для абароны правоў дзяцей у Беларусі з цяжкімі формамі інваліднасці. На здзяйсненне гэтага праекта Еўразвяз выдаткаваў 447 578 еўра.