Павал Севярынец прэзэнтаваў у Віцебску раман “Беларусалім. Золак”

Беларускі палітык і пісьменьнік Павал Севярынец прэзэнтаваў 14 студзеня ў Віцебску першую частку раману “Беларусалім” – кнігі, якую пісаў цягам апошніх 12 гадоў. Паводле слоў аўтара, “гэта кніга пра Беларусь, якая прачынаецца ў цемры”. Віцебская прэм’ера “Беларусаліму” выклікала вялікую цікавасьць і чаканы аншляг.

Павал Севярынец прэзэнтаваў у Віцебску раман “Беларусалім. Золак”


За два месяцы, з моманту першай прэзэнтацыі кнігі ў Менску, якая адбылася 16 лістапада мінулага году, прададзена ўжо каля 500 асобнікаў раману. Пра гэта расказаў стваральнік беларускай інтэрнэт-кнігарні “Імбрык” Алесь Мазанік, які спрычыніўся да арганізацыі сустрэчы з чытачамі ў Віцебску. Паводле ягоных слоў, раман Паўла Сеярынца зараз у лідэрах продажаў, а большы паказьнік зацікаўленасьці назіраўся хіба што тады, калі ў 2014 годзе была выдадзена непадцэнзурная проза Васіля Быкава.

Павал Севярынец прэзэнтаваў у Віцебску раман “Беларусалім. Золак”


Ідэя кнігі нарадзілася ў Віцебску
Імпрэзу сваімі вершамі адкрыў вядомы ў Беларусі паэт і перакладчык Уладзімер Папковіч. Прызнаўся, што кнігу пакуль не чытаў, але яго ўразіла шматсэнсоўня назва раману, сугучная “Ерусаліму”.

Выступілі таксама аўтар маляваных апавяданьняў для дзетак Ян Мяльніцкі зь Менску і паэт Кастусь Севярынец – бацька аўтара “Беларусаліму”. “Шмат гаварыць ня буду. Мне вельмі прыемна, што я саступіў на бакавіну, а пыляць ужо мае дзеці. Ну і дзякуй Богу – я толькі ўсьлед ім паглядаю”, – жартаваў Кастусь Севярынец.

Павал Севярынец, прэзэнтуючы свой новы раман (гэта 10-я па ліку кніга аўтара), падзякаваў найперш арганізатарам імпрэзы, усім прысутным і сваёй сям’і, перадусім – сваёй жонцы Вользе, якая прысутнічала на прэзэнтацыі.


Павал пацьвердзіў, што кніга сапраўды пісалася цягам апошніх 12 гадоў – падчас адбываньня “хіміяў”, турэмных тэрмінаў і сутак. Прычым ідэя раману зьявілася ў далёкім 2004 годзе якраз у родным Віцебску, тут жа былі зробленыя першыя сюжэтныя накіды будучай кнігі.

Некаторыя беларусы пазнаюць у кнізе сябе
Аўтар “Беларусаліму” паведаміў, што ўжо напісаныя ўсе тры часткі раману – агулам каля 1200 старонак. Але выдавацца яны будуць, як славуты “Валадар пярсьцёнкаў”, па чарзе, цягам некалькіх гадоў. Прычым самай “віцебскай” будзе другая частка раману – “Беларусалім. Сэрца сьвятла”, дзе роднаму гораду прысьвечаныя цэлыя разьдзелы. У “Золку” ж цэнтральнае месца займаюць Менск, Полацак і Кіеў.

“Некаторыя вядомыя беларусы маюць шанец пазнаць сябе ў гэтай кнізе”, – запэўніў аўтар.

Павал Севярынец прэзэнтаваў у Віцебску раман “Беларусалім. Золак”


Беларусам далі пульт ад саміх сябе
“Гэта раман пра Беларусь, якая прачынаецца ў цемры”, – знаёміў са сваёй кнігай Павал Севярынец.

Дзеяньні раману адбываюцца ў нашыя часы і сягаюць будучыні. Беларусь раптам апынаецца ў цэнтры Сусьвету, бо карпарацыя “Непагасны сьвет” выбірае нашу краіну ў якасьці месца для велізарнага экспэрымэнту па вытворчасьці… чалавечага шчасьця.

Павал Севярынец прэзэнтаваў у Віцебску раман “Беларусалім. Золак”


“Уявіце сабе, што на вашым мабільніку ёсьць некалькі функцыяў для таго, каб з дапамогай узроўню гармонаў і нэўронных імпульсаў палепшыць сабе настрой, зьняць боль і г.д. То бок – даць чалавеку пульт ад самога сябе. З улікам сучасных тэхналёгіяў лёгка сабе ўявіць, што цягам бліжэйшых гадоў нас з вамі чакае штосьці падобнае. Дык вось: карпарацыя вырашае, што Беларусь для гэтага – ідэальнае месца, сэрца Эўропы”, – распавядае аўтар.

“Натуральна, што ў кнізе ёсьць каханьне і здрада, ёсьць змаганьне і жыцьцё якім яно ёсьць… Ці прынясе карпарацыя “Непагасны сьвет” беларусам шчасьце? Ёсьць людзі якія ў гэтым сумняюцца…” – інтрыгаваў Севярынец.

Кніга пра тое, як беларусы размаўляюць з Богам
“Гэта раман хрысьціянскі, але ня толькі для хрысьціян. Ён не праваслаўны, каталіцкі альбо пратэстанцкі. Гэта менавіта беларускі раман для беларусаў. Але паколькі я веру ў тое, што тысячу гадоў беларуская гісторыя была ў першую чаргу гісторыяй дачыненьняў беларусаў з Богам, то і гэты раман пра тое, як беларусы размаўляюць з Богам. Ці можна размаўляць зь Ім альбо гэта толькі Ён размаўляе з намі? Калі для кагосьці з вас гэта пакуль таямніца ці сакрэт, чытайце кнігу і зразумееце, пра што ідзе гаворка”, - казаў аўтар “Беларусаліму”.

Павал Севярынец прэзэнтаваў у Віцебску раман “Беларусалім. Золак”


Павал Севярынец паабяцаў таксама, што ўжо сёлета будзе зладжаны адмысловы квэст па сюжэце раману. Бо “Беларусалім” насычаны адсылкамі, асацыяцыямі і нават загадкамі.

“Тым, хто любіць разгадваць такія літаратурныя крыжаванкі, матэрыялу дастаткова . На 390 старонках тэксту раскідана прыблізна 300 ключоў да самай галоўнай загадкі беларускай гісторыі…” – патлумачыў пісьменьнік.

“Палітыка – неабходнасьць, а пісьменьніцтва – для душы”
Напрыканцы прамовы Павал Севярынец зноў выказваў падзякі чытачам – сваёй жонцы, якая стала першая чытачкай кнігі, пісьменьнікам Уладзімеру Някляеву і Уладзімеру Арлову, якія давалі пасьля прачытаньня слушныя парады, аўтару першай рэцэнзіі на “Беларусалім” пісьменьніку Аляксею Шэіну, усім вернікам, якія падтрымалі выданьне і ўжо пакінулі водгукі на кнігу.

Павал Севярынец прэзэнтаваў у Віцебску раман “Беларусалім. Золак”


На пытаньне, пісьменьнікам ці палітыкам найперш лічыць сябе аўтар, Павал Севярынец адказаў, што “палітыка – гэта ўсьвядомленая неабходнасьць, а пісьменьніцтва – для душы”.

“Але разумею, што калі зараз ня будзе змаганьня і грамадзкай, палітычнай дзейнасьці, то заўтра проста можа ня быць краіны, у якой будуць чытаць гэтыя кнігі або будуць расьці мае дзеці”, – дадаў.

“Беларусалім” у дзеяньні
“Беларусалім” Паўла Севярынца дзіўным чынам згуртаваў вакол сябе вернікаў і сьвятароў розных канфэсій, пісьменьнікаў, мастакоў, палітыкаў.

Павал Севярынец прэзэнтаваў у Віцебску раман “Беларусалім. Золак”


На прэзэнтацыі раману ў Віцебску, якая прайшла ў памяшканьні старога “Торвальду” (Камсамольская, 32), прысутнічалі заснавальніца культурна-асветніцкага цэнтру імя Драздовіча Ада Райчонак, пісьменьнік Франц Сіўко, мастак Фэлікс Гумен, паэт і бард Міхаіл Рубін, каталіцкі сьвятар Вячаслаў Барок, рэдактар часопісу “Мишпоха” Аркадзь Шульман, палітык Канстанцін Смолікаў, ганаровы старшыня абласной рады ТБМ Іосіф Навумчык ды шмат іншых вядомых асобаў.

Павал Севярынец прэзэнтаваў у Віцебску раман “Беларусалім. Золак”


Пасьля прэзэнтацыі можна было набыць кніжку з аўтографам, але трэба было адстаяць даволі даўгую чаргу. Адзначым таксама, што ў продажы ўжо зьявілася электронная вэрсія раману.

vitebskspring.org

Добавить комментарий!







Погода в Витебске


Курсы валют


Мы в социальных сетях



Радости жизни>> Все статьи

У Віцебску ў гонар Раства Хрыстова адбыўся конкурс на лепшае выкананне песні

25 снежня ў Віцебску вернікі царквы хрысціян веры Евангельскай “Новае жыццё” па шматгадовай традыцыі зладзілі Дзень Нараджэння Ісуса Хрыста ў рэстаране, куды запрасілі сваіх знаёмых, якія наведваюць царкоўныя службы або вельмі рэдка, або ніколі.
Последние новости>> Все статьи

Былыя кандыдаты ў дэпутаты Ірына Захарава і Алёна Шабуня не прызнаюць выбары на сваіх акругах сапраўднымі

Прамоўцы Беларускай хрысціянскай дэмакратыі, былыя кандыдаты ў дэпутаты ў Віцебскі гарадскі Савет дэпутатаў Ірына Захарава і Алёна Шабуня 20 лютага падалі скаргі ў Цэнтральную камісію Рэспублікі Беларусь па выбарах і правядзенні рэспубліканскіх рэферэндумаў, у Віцебскую абласную і гарадскую

На сустрэчы з выбарцамі Шымчанка не прывёў ні воднага прыклада сваіх дасягненняў як дэпутата

14 лютага ў СШ 46 адбылася сустрэча з праўладным кандыдатам у дэпутаты ў Віцебскі гарадскі Савет дэпутатаў па Школьнай выбарчай акрузе №22 Алегам Шымчанкам. Зараз ён з’яўляецца дзеючым дэпутатам 27 склікання па Білеўскай акрузе №23, калі глядзець па тэрыторыі, то гэта тая ж самая вуліца, толькі

Дыскусія Алены Шабуні і Таццяны Сівачэнка (відэа)

"Людзям пара ўжо прачнуцца, час усвядоміць сваю значнасць", - лічыць кандыдат у дэпутаты Магілёўскага аблсавета Таццяна Сівачэнка. Намеснік дырэктара па навуковай працы ва "КБ "Прамысловыя тэхналогіі і комплексы", Таццяна Сівачэнка балатуецца ад Аб’яднанай грамадзянскай партыі кандыдатам у