У Віцебску на прэм’еры фільма гледачы скандавалі “Я такі, як Паша”

Прэзентацыя дакументальнай стужкі “Ён такі”, знятай сёлета ў Віцебску, адбылася 21 лістапада. Гэта была доўгачаканая падзея, асабліва для тых, хто браў удзел у здымках у той ці іншай якасці. Некалькі чалавек трапілі “у акцёры” міжволі, бо звярнуліся па дапамогу да праваабаронцы якраз тады, калі адбываўся здымачны працэс. Яшчэ некалькі віцяблянаў былі адмыслова запрошаны да ўдзелу, каб распавесці пра свае ўражанні ад праваабарончай дзейнасці Паўла Левінава.

У Віцебску на прэм’еры фільма гледачы скандавалі “Я такі, як Паша”


Таксама ў фільме пра яго дзейнасць гавораць і калегі-адмыслоўцы: Таццяна Рэвяка, прэзідэнт Беларускага дома правоў чалавека імя Б. Звозскава, Людміла Ульяшына, юрыстка, кіраўніца праграмы ILIA Сеткі ДПЧ, старшыня РПГА "Беларускі Хельсінскі Камітэт" Алег Гулак, старшыня праваабарончага цэнтру "Вясна" Алесь Бяляцкі.

Здымачная група – а гэта віцебская журналістка Алена Сцяпанава і відэааператар з Барысава, Аляксандр Зянкоў, -- аб’ехала амаль усю Беларусь, каб сустрэцца з калегамі Паўла Левінава і запісаць іх меркавані. Бо, паводле ідэі сцэнару, напісаным у суаўтарстве Аленай Сцяпанавай і Вікторыяй Дашкевіч, фільм пра віцебскага праваабаронцу мусіў атрымацца па-сяброўску цёплым. А галоўнае – не сумным. Бо крэатыўны падыход Паўла Левінава да праблем з правамі чалавека якраз і заключаецца ў тым, каб высмеяць абсурдную сітуацыю і паказаць іншым, што менавіта такім чынам можна знайсці годнае выйсце.

У Віцебску на прэм’еры фільма гледачы скандавалі “Я такі, як Паша”


Галоўны герой, выступаючы на прэзентацыі, распавёў гледачам, як праца над гэтым фільмам пачалася для яго асабіста:
“Пра намер зняць дакументальную стужку з маім удзелам я ўжо ведаў. Але вось сцэнар фільма упершыню ўбачыў у Віцебскім ІЧУ, дзе адбываў пятнаццаць сутак за сваю праваабарончую дзейнасць – за прысутнасць на плошчы Перамогі у дзень Волі 25 сакавіка. Такі падарунак ад віцебскіх журналістаў, перададзены за краты, стаўся прыемнай неспадзяванкай, падтрымкай і праявай салідарнасьці аднадумцаў. А ўжо як на гэта адрэагавалі цэнзары, нават цяжка ўявіць! Не кожны ж дзень у турму перадаюць кінасцэнары. Адпаведна, і стаўленне да мяне з боку аховы было вельмі акуратнае – пэўна, каб не трапіць у кіно ў якасці адмоўнага персанажа”.

У Віцебску на прэм’еры фільма гледачы скандавалі “Я такі, як Паша”


У якасці “герояў другога плану” гледачы ўбачылі роднага брата віцебскага праваабаронцы, а таксама гомельскага калегу Леаніда Судаленку. Алюзію да флэшмобу спадара Судаленкі можна заўважыць і ў назве фільма “Ён такі”: пасля арышту Паўла Левінава ягоны калега прапаноўваў усім ахвотным сфатаграфавацца з плакатам “#я такі як Паша”. Напрыканцы фільма гэтую фразу паўтараюць і іншыя праваабаронцы, якія зняліся ў дакументальнай стужцы.

У Віцебску на прэм’еры фільма гледачы скандавалі “Я такі, як Паша”


Гучала гэта настолькі натхняльна, што да хору галасоў у фільме далучыліся і віцебскія гледачы. Значыць, аўтары фільма дасягнулі сваёй мэты: ім удалося давесці, што праца праваабаронцы важная і запатрабаваная, і што зацікаўленым у барацьбе з парушэннямі правоў чалавека мусіць быць усё грамадства.

Добавить комментарий!







Погода в Витебске


Курсы валют


Мы в социальных сетях



Радости жизни>> Все статьи

Госцем чарговага "Веснавога Спеўнага Сходу" у Віцебску быў Алег Хаменка(відэа)

" Жавароначкі, прыляціце, вясну красную прынясіце!....Уууууу!..."--гучна, каб было чуваць за мостам, як просіць кіраўнічка і настаўніца імправізаванага хору віцяблян Марыся Булатоўская, спявалі ўдзельнікі "Веснавога Спеўнага Сходу".
Последние новости>> Все статьи

“Зноў укрыжавалі Хрыста…” Актывісты Віцебшчыны пра зьнішчэньне крыжоў у Курапатах

На мінулым тыдні, 4 красавіка, улады зьнішчылі 70 крыжоў, што былі ўсталяваныя па пэрымэтры народнага мэмарыялу ў Курапатах. У грамадзтве гэта выклікала шок, неразуменьне і выбух абурэньня. Як расцэньваць дзеяньні ўладаў? Свае ацэнкі і меркаваньні сайту vitebskspring.org выказалі прадстаўнікі

Украіна альбо Зяленскі?

Пытанне стаіць рубам. Быць альбо не быць Украіне. Я пэўны час вагаўся: ці трэба ставіць так пытанне? Ці трэба ўвогуле ўставяць свае пяць капеек у палітычныя справы нашых суседзяў? Але пасля першага тура ўкраінскіх выбараў, калі ўбачыў, што Украіна пачынае ісці беларускім шляхам, вырашыў – трэба.

Еўразвяз выдаткаваў паўмільёна даляраў на дапамогу беларускім сем’ям, якія выхоўваюць дзяцей з інваліднасцю (відэа)

На працягу трох год, з 2016 па 2018, Еўразвяз, у прыватнасці, Брытанская дабрачынная арганізацыя HealthProm, дапамагала ў распрацоўцы пілотнага праекта для абароны правоў дзяцей у Беларусі з цяжкімі формамі інваліднасці. На здзяйсненне гэтага праекта Еўразвяз выдаткаваў 447 578 еўра.