Сепаратыст Віктар Каліна ездзіць па Беларусі з турам «Эх, разгуляемся»

Восеньскі тур Віктара Каліны распачаўся ў Дзяржынску і паволі кіруецца ў бок Віцебску. Там ягоны канцэрт плануецца ў мясцовай філармоніі 23-га кастрычніка. Віцебская актывістка Таццяна Севярынец, аднак, спадзяецца, што выступ атрымаецца адмяніць. Адпаведны зварот яна скіравала ў абласны аддзел культуры.



Каліна – адкрыты прыхільнік прарасейскіх сепаратыстаў. У сваіх песнях ён прапагандуе «русский мир» і выказвае падтрыманне гэтак званым ДНР І ЛНР. Таксама ён выказвае шкадаванне, што экс-прэзідэнт Украіны Віктар Януковіч не расстраляў усіх удзельнікаў Майдану.

Рэакцыя Каліны на зварот Таццяны Севярынец не запазнілася

Пад допісам актывісткі спявак пакінуў зняважлівы каментар, а пазней напісаў адказ на сваім профілі на Фэйсбуку.

Сваёй зброяй шансанье называе вершы і песні. За канцэрты на ўсходзе Украіны ён атрымаў шэраг узнагародаў ад сепаратыстаў. Між іншага за, цытата,«памнажэнне культурнай спадчыны “русского мира”».

У Беларусі спявак не мае ўзнагародаў

Затое мае крымінальнае мінулае. У 2007-м годзе яго асудзілі за махлярства на пяць з паловаю гадоў пазбаўлення волі. Віктар Каліна – ён жа Віктар Мілько – адседзеў два гады ў наваполацкай калоніі і выйшаў паводле амністыі. За сваю свабоду ён падзякаваў Аляксандру Лукашэнку.

Аматар турэмнага шансону жыве ў Расеі, але па-ранейшаму мае беларускае грамадзянства.

Каліна стаў персонай нон-грата ва Украіне

Прозвішча шансанье ўвайшло ў спіс асобаў, якія ствараюць пагрозу ўкраінскай бяспецы.

Такая рыторыка і погляды не спрыяюць папулярнасці Каліны і ў Беларусі. Два гады таму віцебскія актывісты ўжо дамагліся адмены ягонага канцэрту. І спадзяюцца, што затрымаецца і цяпер.

Вольга Жарнасек, «Белсат»

Добавить комментарий!







Погода в Витебске


Курсы валют


Мы в социальных сетях



Радости жизни>> Все статьи

У Віцебску ў гонар Раства Хрыстова адбыўся конкурс на лепшае выкананне песні

25 снежня ў Віцебску вернікі царквы хрысціян веры Евангельскай “Новае жыццё” па шматгадовай традыцыі зладзілі Дзень Нараджэння Ісуса Хрыста ў рэстаране, куды запрасілі сваіх знаёмых, якія наведваюць царкоўныя службы або вельмі рэдка, або ніколі.
Последние новости>> Все статьи

Уратуем Заронаўскае возера!

У Міністэрства прыродных рэсурсаў адпраўлены электронны зварот з просьбай правесці якасны маніторынг стану возера Заронава і яго асяроддзя.

Павал Севярынец прэзэнтаваў у Віцебску раман “Беларусалім. Золак”

Беларускі палітык і пісьменьнік Павал Севярынец прэзэнтаваў 14 студзеня ў Віцебску першую частку раману “Беларусалім” – кнігі, якую пісаў цягам апошніх 12 гадоў. Паводле слоў аўтара, “гэта кніга пра Беларусь, якая прачынаецца ў цемры”. Віцебская прэм’ера “Беларусаліму” выклікала вялікую цікавасьць

Алена Янушкоўская: я іду, каб вырашаць праблемы, якія гадамі не вырашаюць улады

Прамоўца Беларускай хрысціянскай дэмакратыі Алена Янушкоўская, якая балатуецца ў Заронаўскі сельсавет і Віцебскі райсавет дэпутатаў, распавяла пра праблемы, з якімі яна сутыкнулася падчас збору подпісаў у сваю падтрымку: