У вёсцы Суйкава вады пакуль так і нямя

Як жа можна так жыць і каму верыць? Вёска Суйкава ўсяго ў кіламетры ад Віцебска. Побач тры возеры, рачулка, але ў самой вёсцы вады катастрафічна не хапае. Тры грамадскія калодзежы, у адным з якіх ваду ўжываць нельга, і тры прыватныя, якія ўлетку перасыхаюць, а ўзімку вымярзаюць і не могуць забяспечыць жыхароў вадой. У сувязі з тэхнічнымі ўмовамі: гара, гліна, валун - не мае сэнсу рабіць свідравіны.

У вёсцы Суйкава вады пакуль так і нямя


З 2010 года вяскоўцы вядуць літаральна барацьбу за вадаправод. Шматлікія звароты ва ўсе магчымыя ўстановы не прынеслі вынікаў. Нас суцяшалі, абнадзейвалі, кляліся і абяцалі, а на самой справе толькі ўводзілі ў зман.

У 2015-м годзе пасля некалькіх засушлівых гадоў калодзежы і сады зусім апусцелі, і мы не бачылі іншай магчымасьці звярнуць увагу чыноўнікаў, як толькі звярнуцца да журналістаў. Пасля некалькіх публікацый у СМІ мясцовыя ўлады абвесцілі аб будаўніцтве вадаправода. Вяскоўцы радаваліся: усім жа хочацца піць, памыць бялізну, самім памыцца... Ды рана весяліліся: грошы, выдзеленыя на будоўлю вадаправода, былі страчаны на пракладку труб у чыстым полі. Іх проста закапалі ў разліку на міфічны прыбытак ад продажу яшчэ непабудаваных катэджаў.

Як патлумачыў начальнік аддзела жыллёва-камунальнай гаспадаркі гарвыканкама Павел Шыкшнян, гэта будзе рэзервовая лінія. У людзей, зразумела, узнікла пытанне: “А навошта рэзервовая, калі няма асноўнай?”
Мы працягнулі барацьбу за нармалёвае жыццё, дамагліся, каб ваду нам прывозілі. Але праз месяц усё вярнулася на старое месца. Маленькая перамога ўсё ж адбылася: вадаправод правялі ў школу, там жа ўсталявалі і прыбіральні ў памяшканні. У 2016-м будоўлю працягнулі: разварацілі дарогі і праклалі аж 100 (сто) метраў! І ўзгадалі людзі словы таго ж Шыкшняна, што праца будзе завершана гадоў праз 10... Вельмі хочацца спытаць у чыноўнікаў, як бы яны загаласілі, каб ім па ваду прыйшлося хадзіць за кіламетр 10 гадоў? Як можна так здзеквацца над людзьмі?

У вёсцы Суйкава вады пакуль так і нямя


2017 год. Усё спачатку. Мы на прыёме ў старшыні Віцебскага райвыканкама Генадзя Сабыніча па пытаннях і вадаправода, і жудасных дарог, і іншых праблем Суйкава. Нас запэўніваюць у тым, што работы ўзновяцца напрыканцы жніўня. Але мёртва. Адказ прыйшоў толькі пасля таго, як нагадалі, але працы перанеслі на верасень, і зноўку цішыня.

У вёсцы Суйкава вады пакуль так і нямя


5 кастрычніка аднесла заяву ў пракуратуру па гэтых праблемах. А вярнуўшыся дадому, атрымала ліст за подпісам намесніка старшыні райвыканкама Аляксея Героева: "Витебский районный исполнительный комитет на Ваше обращение дополнительно сообщает, что работы по строительству сетей водоснабжения в д.Суйково продолжены."... Вось гэта нумар! Тэлефаную Героеву: “Як так?” А спадар не ў курсе. Яму сказалі, што будуюцца, ён і падмахнуў той адказ. Залемантаваў, папрасіў адсочыць, патэліць... Не, ну што гэта такое? Я павінна рабіць за чыноўнікаў іх працу, кантраляваць іх жа працу? Усё з ног на галаву...

Колькі можна тварыць здзек над людзьмі, парушаць іх надзённыя правы? Як жыць у нашай "прававой, сацыяльнай" дзяржаве і каму верыць?

Алена Янушкоўская

Добавить комментарий!







Погода в Витебске


Курсы валют


Мы в социальных сетях



Радости жизни>> Все статьи

У Віцебску ў гонар Раства Хрыстова адбыўся конкурс на лепшае выкананне песні

25 снежня ў Віцебску вернікі царквы хрысціян веры Евангельскай “Новае жыццё” па шматгадовай традыцыі зладзілі Дзень Нараджэння Ісуса Хрыста ў рэстаране, куды запрасілі сваіх знаёмых, якія наведваюць царкоўныя службы або вельмі рэдка, або ніколі.
Последние новости>> Все статьи

Уратуем Заронаўскае возера!

У Міністэрства прыродных рэсурсаў адпраўлены электронны зварот з просьбай правесці якасны маніторынг стану возера Заронава і яго асяроддзя.

Павал Севярынец прэзэнтаваў у Віцебску раман “Беларусалім. Золак”

Беларускі палітык і пісьменьнік Павал Севярынец прэзэнтаваў 14 студзеня ў Віцебску першую частку раману “Беларусалім” – кнігі, якую пісаў цягам апошніх 12 гадоў. Паводле слоў аўтара, “гэта кніга пра Беларусь, якая прачынаецца ў цемры”. Віцебская прэм’ера “Беларусаліму” выклікала вялікую цікавасьць

Алена Янушкоўская: я іду, каб вырашаць праблемы, якія гадамі не вырашаюць улады

Прамоўца Беларускай хрысціянскай дэмакратыі Алена Янушкоўская, якая балатуецца ў Заронаўскі сельсавет і Віцебскі райсавет дэпутатаў, распавяла пра праблемы, з якімі яна сутыкнулася падчас збору подпісаў у сваю падтрымку: